•  – Milli Məclisin Sədr müavini: "Şəhid ailələrinin heç nəyə ehtiyacı yoxdur" 
  •  – Milli Məclis sədrinin köməkçisi vəzifəsindən azad edilib 
  •  – Baş nazir icra başçılarına çağırış etdi 
  •  – Türkmənistan Prezidentinin rəsmi qarşılanma mərasimi olub 

Ramil Kazımov: Hücumu elə etməlisən ki, müdafiə xarakterli olsun.

2019-cu il oktyabrın 19-da Ukraynanın paytaxtı Kiyev şəhərində gənclər və böyüklər arasında Kombat Ciu-Citsu üzrə Dünya çempionatı keçirilib. 20 ölkədən 340-dan çox idmançının mübarizə apardığı yarışda komandamız yüksək nəticələr göstərib.
Böyüklər arasında keçirilən yarışda komandamızın üzvü, 92 kq çəki dərəcəsində Ramin Kazımov "Self kontakt" versiyasında bürünc medala layiq görülüb.
Azerifakt Kombat Ciu-Citsu üzrə I dan qara kəmər sahibi, bir neçə beynəlxalq yarışın qalibi Ramin Kazımovla müsahibəni təqdim edir.
Ramin Kazımov 1983-cü il təvəllüdlüdür. Sabunçu rayonundakı 155 saylı orta məktəbdə təhsil alıb. İlk böyük uğuruna 1999-cu ildə imza atıb. Hazırda Daxili İşlər Nazirliyinin "Dinamo" İdman Cəmiyyətində təlimatçı vəzifəsində çalışır.
- 13 yaşımdan idmanla məşğul olmağa başlamışam. O zamanlar idmanla məşğul olmaq, irəli getmək çox çətin idi. Özümü idmana həsr etmişdim. Amma bir müddət şəxsi həyatımda olan problemlə əlaqədar idmandan uzaqlaşmışdım. Atam xəstə idi. Bu, haradasa 2007-2010-cu illəri əhatə edir. Sonra boks, əlbəyaxa döyüş növü ilə məşğul olmağa başladım. Əlbəyaxa döyüş üzrə 5 dəfə respublika çempionu olmuşam. Beynəlxalq turnirlər, dünya çempionatlarında iştirak etmişəm. 2016-cı ildə Kombat Ciu-Citsu üzrə dünya kubokunun mükafatçısı olmuşam. 2017-2018-ci ildə güləş üzrə dünya çempionatının mükafatçısı, Macarıstanda dünya çempionu, İtaliyada dünya çempionatının mükafatçısı, Xarkovda dünya çempionu olmuşam.

 
- İdmana maraq necə yaranıb?
- Mən kasıb ailədə böyümüşəm. Fikirləşirdim ki, ən düz, ən təmiz iş, məşğuliyyət idmandır. Həm düzgün tərbiyə, həm düzgün ruh, həm də sağlam bədənə ancaq idmanla qovuşmaq mümkündür. Bu gün əldə etdiyim nailiyyətlərə çatacağımı heç vaxt düşünməmişəm. Heç vaxt peşman olmamışam.
Heç nəyim olmasa da, övladımın qarşısına qoya biləcək nəticələrim var. Həyatımda əldə etdiklərimin 90 faizini idmana borcluyam.
Bizim Bəxtiyar müəllimimiz vardı, o hər zaman deyirdi ki, idmançının pis fikri, pis niyyəti tər vasitəsilə atılır. Bu da o deməkdir ki, hər zaman zalda, hər zaman məşqdəsən.
- Tələbələriniz varmı?
- Yox, elə bu gün bu barədə bir görüşdə idim. Böyük bir zal yaratmaq ideyası var. Fikrim var ki, orada güclü tələbələr yetişdirim. Uşaqlara idmandan əlavə, düzgün əxlaqi tərbiyə verməyi də bacarmaq lazımdır. Bunu da hər təlimatçı bacarmır. Uşağa təpik-yumruq atmağı öyrədəndə onu da başa salmalısan ki, başqa yerdə məktəbin adına xələl gətirmək olmaz. Zalda öyrəndiklərini başqalarının üzərində sınamaq olmaz. Çünki idmanla məşğul olanlar robot kimi olurlar. İdmanla məşğul olmayan insanla olan insan arasında çox böyük fərq var. İdmanla məşğul olmayan insana dəyən bir zərbə onda böyük fəsadlara səbəb ola bilər. Hər kəs idmana özünümüdafiə üçün gəlməlidir.
 

 
- Azərbaycanda idmançılara verilən dəyər sizi qane edirmi?
- Bəli, bu, yüksək səviyyədədir. Azərbaycanda idmana yüksək dəyər, dəstək olmasaydı, indi hər 3 gəncdən biri idmanla məşğul olmazdı. Bu gün cənab Prezidentimiz idmançıya dəyər verdiyi üçün bunu hamı nəzərə alır. O demişdi ki, Azərbaycanda bütün sahələrdə peşəkar idmançılara hörmət olunmalıdır. Bunu da hamı qəbul edir.
Bu gün görürəm ki, idmançılara verilən dəyər sosial şəbəkələrdə müzakirə edilir. Amma hamı nəzərə almalıdır ki, idmançı bu işə öz həyatını qoyur. Kimsə evində, isti yatağında yatanda idmançı gecə-gündüz nəticə əldə etmək barədə düşünür.
Məsələn, Azərbaycan Kikboksinq Federasiyasının rəhbəri Adil Əliyev də idmançılarımıza böyük dəstək verir. Ötən müsahibəsində bir fikri qeyd etmişdi. Çox xoşuma gəldi. O deyirdi ki, hər bir iş adamı bir idmançını yanına çəksə, o idmançının heç nəyə ehtiyacı qalmaz.
Bu gün mənə də dəstək olan şəxslər var. VİP Aviasiya şirkətinin baş direktoru İlham Şükürov mənə çox böyük dəstək verib. Eyni zamanda Dövlət Mülki Aviasiya Administrasiyasının direktoru Arif Məmmədovun da böyük dəstəyi var. Onlara çox minnətdaram.
Düşünürəm ki, bayraqlar xarici ölkələrdə bir dövlət başçıları üçün, bir də idmançılar üçün qalxır. İdmançılar bayrağımızı qaldıranda ürəyində az da olsa vətənpərvərlik hissi olan şəxslər idmançıya dəstək olmalıdırlar.
- İdmanla məşğul olmağın yaşı varmı?
- İdmanla peşəkarcasına və həvəskarcasına məşğul olmaq olur. İnsan özündə nə qədər güc hiss edirsə, idmanla məşğul ola bilər.
Həvəskar idmanla məşğul olmağa gəldikdə isə, bunu hər yaşda etmək olar. Amma idmanın həyat tərzinə çevrilməsi üçün erkən yaşlardan onunla məşğul olmaq lazımdır.

 
 
- Elə yarış olubmu ki, uduzma qorxusu olsun?
- Həyəcansız idmançı yoxdur. Bizdə də elə. Ancaq ilk zərbədən qarşındakı idmançının nəyə qadir olduğunu bilirsən. Bütün həyəcanlar ilk zərbəyə qədər olur. Rəqibinə baxırsan və nəyə qadir olduğunu bilə bilirsən. Bu da insana güc, motivasiya verir. Hər bir idmançının döyüş zamanı ağlında öz planları olur, birinci zərbəni alana qədər. Həyatda olduğu kimi, ən gözəl müdafiə hücumdur. Ancaq hücumu elə etməlisən ki, müdafiə xarakterli olsun. Əgər sən açıq-aydın hücuma keçsən, qarşı tərəfdən əks-hücum alıb, zərbəyə məruz qala bilərsən. Nokdauna, nokauta düşə bilərsən. Bütün xəyalların alt-üst olar. Ağıllı hücum qalibiyyət deməkdir.
sputnik.az





  • Şərhlər
  • Bu gün
  • Populyar
InvestAZ
Sosial Şəbəkələrdə Biz
  • Facebook
  • Twitter
  • YouTube