•  – İlham Əliyev Türkmənistana getdi 
  •  – SON DƏQİQƏ! Azərbaycanın yeni Baş naziri TƏYİN EDİLDİ 
  •  – Artur Rasizadə: Elə bilirlər ki, Baş nazir olmaq asandır 
  •  – SON DƏQİQƏ! Milli Məclis bu gün yeni Baş nazir seçəcək 

Bakıda ali məktəblər, kolleclər, yataqxanalar dezinfeksiya edilir

Bakıdakı bütün ali məktəblərdə, kolleclərdə və məktəbəqədər təhsil müəssisələrində, məcburi köçkünlərin sıx məskunlaşdığı yerlərdə, o cümlədən köçkün yataqxanalarında qrip və kəskin respirator virusa qarşı kütləvi dezinfeksiya tədbirləri aparılıb.

Shefeq.az bildirir ki, bunu Trend-ə Bakı Şəhər Dezinfeksiya Stansiyasının kadrlar üzrə mütəxəssisi Kəmalə Cəfərova deyib.


K.Cəfərova qeyd edib ki, bu tədbirlər səhiyyə naziri Oqtay Şirəliyevin qrip və kəskin respirator xəstəliklərinə qarşı profilaktik tədbirlərin gücləndirilməsi məqsədilə verdiyi əmri əsasında həyata keçirilib. K.Cəfərova əlavə edib ki, Bakıdakı 331 məktəbəqədər təhsil müəsssisəsində dezinfeksiya tədbirləri yekunlaşsa da, paytaxtdakı 334 ümumtəhsil müəssisəsində bu işlər hələ davam etdirilir.


Onun sözlərinə görə, indiyədək yalnız Bakının Qaradağ, Səbail və Yasamal rayonlarında bir necə orta məktəb dezinfeksiya edilməyib. Bunu həmin məktəblərdə tədrisin iki növbədə aparılması ilə izah edən K.Cəfərova həmin təhsil müəssisələrində də dezinfeksiya tədbirlərinin noyabrın 19-dək yekunlaşacağını və bununla bu tədbirlərin paytaxdakı bütün ümumtəhsil müəssisələrini əhatə edəcəyini söyləyib.

Qeyd edək ki, dezinfeksiya tədbirləri Bakı ilə yanaşı, ölkənin digər böyük şəhərlərində - Bakı, Sumqayıt, Gəncə, Mingəçevir, Masallı və Cəlilabadda da aparılacaq.

Оставить комментарий
  • Şərhlər
  • Bu gün
  • Populyar
InvestAZ
Sosial Şəbəkələrdə Biz
  • Facebook
  • Twitter
  • YouTube