•  – Prezident icra başçısı ilə bağlı SƏRƏNCAM İMZALADI 
  •  – Prezident Mikayıl Cabbarova daha bir vəzifə verdi - SƏRƏNCAM 
  •  – Deputatlar şərabla bağlı təklif irəli sürdülər: "Şadlıq saraylarında..." 
  •  – Millət vəkili: "Nazirlərin mülkləri satılsın, pulları şəhid ailələrinə verilsin" 

Bu şəxslər tibbi xidmət və dərmanlardan pulsuz yararlana biləcək

“Sığorta haqqı ödəyib-ödəməməsindən asılı olmayaraq, icbari tibbi sığorta sisteminin həyata keçiriləcəyi pilot ərazilərdə yaşayan əhali ilkin səhiyyə və təcili tibbi yardım xidmətləri və bu xidmətlər üzrə ehtiyac duyulan dərmanlarla tam pulsuz təmin olunacaqlar.

Digər xidmətləri əldə etmək üçün isə sığorta haqqının ödənilməsi vacibdir”. Bunu Nazirlər Kabineti (NK) yanında İcbari Tibbi Sığorta üzrə Dövlət Agentliyinin İcbari tibbi sığorta şöbəsinin müdiri Vüqar Qurbanov deyib. Artıq bu məsələlərin agentlik tərəfindən Nazirlər Kabinetinə təqdim olunmuş baza zərfinə daxil edildiyini deyən V.Qurbanov bildirib ki, baza zərfinə stasionar müalicələr üçün tələb olunan bütün dərman preparatları, eyni zamanda təcili tibbi yardım və ilkin səhiyyə xidməti üçün lazım olan dərman preparatları daxil edilib.  Lakin sığortalanmayan şəxs yalnız ilkin səhiyyə və təcili tibbi yardım xidməti üzrə dərmanları pulsuz əldə edə biləcək. Baza zərfinə daxil edilən həyati vacib dərman preparatlarından isə yalnız sığortalanmış şəxslər istifadə edə biləcəklər. V.Qurbanov həyati vacib dərmanların siyahısının NK tərəfindən təsdiq olunacağını, həmin siyahıda ürək xəstəlikləri, bir sıra pediatrik xəstəliklər və s. üçün istifadə olunan dərmanların adlarının qeyd olunacağını söyləyib:

 “Məsələn, ağır ürək əməliyyatından sonra xəstələrin uzun müddət dərman qəbul etməsinə ehtiyac yaranır. Nəzərdə tutulub ki, bu kimi hallarda, eyni zamanda bəzi uşaq xəstəliklərinin müalicəsi üçün təyin olunan dərmanlar müəyyən limit həcmində baza zərfinə daxil edilsin və belə şəxslərə ambulator xidmət göstərilsin”. V.Qurbanovun sözlərinə görə, artıq agentlik tərəfindən icbari tibbi sığorta üzrə vahid qiymət cədvəli müəyyənləşdirilərək Nazirlər Kabinetinə təqdim olunub. Onun sözlərinə görə, icbari tibbi sığorta üzrə müqavilə bağlayan tibb müəssisələri öz xidmətlərini həmin vahid qiymət cədvəli əsasında göstərəcəklər.
Оставить комментарий
  • Şərhlər
  • Bu gün
  • Populyar
InvestAZ
Sosial Şəbəkələrdə Biz
  • Facebook
  • Twitter
  • YouTube